sarirarevvaru na priyudaina telugu lyrics

సరిరారెవ్వరూ నా ప్రియుడైన యేసయ్యకు -2

సర్వము నెరిగిన సర్వేశ్వరునికి 

సరిహద్దులు లేని పరిశుద్ధునికి -2

1. నమ్మదగిన వాడే నలుదిశల నెమ్మది కలుగజేయువాడే -2

    నాజీరు వ్రతము జీవితమంతా అనుసరించినాడే 

    నాకై నిలువెల్ల సిలువలో నలిగి కరిగినాడే -2 

                      

2. ఆరోగ్య ప్రదాతయే సంపూర్ణ స్వస్థత అనుగ్రహించువాడే -2

    ఆశ్చర్య క్రియలు జీవితమంతా చేయుచు తిరిగినాడే 

    నాకై కొరడాల దెబ్బలను అనుభవించినాడే -2

3. పునరుత్థానుడే జయశీలి మృతిని జయించి లేచినాడే -2

    శ్రేష్ఠమైన పునరుత్థాన బలము యిచ్చినాడే 

    నాకై అతిత్వరలో మహిమతో రానైయున్నావాడే -2