nannenthaga preminchithivo telugu lyrics

నన్నెంతగా ప్రేమించితివో...
నిన్నంతగా దూషించితినో...

నన్నెంతగా నీవెరిగితివో...
నిన్నంతగా నే మరచితినో...

గలనా... నే చెప్పగలనా...
దాయనా ... నే దాయగలనా... (2)
అయ్యా... నా యేసయ్యా...


నాదం... తాళం... రాగం 
ఎదలో నీదే ఈ ప్రేమ స్వరము... (2)

1. ఏ రీతిగా నా ఉదయమును ... నీ ఆత్మతో దీవించితివో...
 ఏ రీతిగా నా భారమును ... నీ కరుణతో మోసితివో ... (2) 

ఏ రీతిగా నా పలుకులో ... నీ నామమును నిలిపితివో...
 ఏ రీతిగా నా కన్నీటిని .... నీ ప్రేమతో తుడిచితివో ... (2) || గలనా ||


2. ఏ రీతిగా నా రాతను ... నీ చేతితో రాసితివో... 
ఏ రీతిగా నా బాటను... నీ మాటతో మలిచితివో... (2)

 ఏ రీతిగా నా గమ్యమును ... నీ సిలువతో మార్చితివో... 
ఏ రీతిగా నా దుర్గమును ... నీ కృపతో కట్టితివో... (2) || గలనా ||